Turkiyaning janubida Antaliya, Kemer va Mug‘la hududlarini qamrab olgan yirik o‘rmon yong‘inlari davom etmoqda. Qalin tutun sabab kurortlar ustidagi osmon qizg‘ish rangga kirgan, Antaliya — Fethiye trassasi esa harakat uchun vaqtincha yopildi.
Sayyohlar mashhur mehmonxonalar yaqinida kuchli tutun borligini xabar qilmoqda. Hokimiyat ma’lumotlariga ko‘ra, butun mamlakat bo‘ylab qutqaruvchilar taxminan 90 ta yong‘in o‘chog‘i bilan kurashmoqda.
Yong‘inlarni o‘chirishga qariyb 3 ming nafar o‘t o‘chiruvchi, deyarli 100 ta vertolyot va 30 ta samolyot jalb etilgan. Ular orasida ikkita Rossiyaning Be-200 amfibiya samolyoti ham bor.
