P2P o‘tkazmalari, ya’ni karta orqali kartaga pul o‘tkazish xizmatlari veb-saytlar orqali to‘liq to‘xtatiladi. Mobil bank ilovasiga yangi qurilmadan kirishda esa majburiy biometrik identifikatsiya talab etiladi.
Bundan tashqari, yangi qurilmada ulangan bank kartalari vaqtincha bloklanadi. Ularni qayta faollashtirish uchun SMS-kod orqali tasdiqlash talab qilinadi.
Kartalar uchun yangi qoidalar
Bank ilovasiga faqat foydalanuvchining o‘z kartalari yoki yaqin qarindoshlariga tegishli kartalarni qo‘shishga ruxsat beriladi.
Shuningdek, banklar SIM-kartaning fuqaroga tegishliligini PINFL orqali tekshiradi.
Firibgarlikdan himoya
Agar smartfonda viruslar yoki masofadan boshqarish imkonini beruvchi dasturlar aniqlansa, bank tizimi foydalanuvchiga xavf haqida avtomatik ravishda PUSH-xabarnoma va SMS ogohlantirish yuboradi.
Yangi talablar bank hisoblarini himoya qilishni kuchaytirish va mobil qurilmalardan foydalanish bilan bog‘liq firibgarlik xavfini kamaytirishga qaratilgan.
