Yangi formatdagi OFK Elit Chempionlar ligasi qur’asi yakunlariga ko‘ra, Toshkentning «Paxtakor» jamoasi o‘z maydonida Saudiya Arabistonining «Al-Nasr» klubiga qarshi maydonga tushadi. Bu besh karra «Oltin to‘p» sohibi Krishtianu Ronaldu’ning O‘zbekistonga kelish ehtimolini yanada oshiradi.
«Paxtakor» saralash bosqichida iordaniyalik «Al-Husayn»ni 3:0 hisobida mag‘lub etib, turnirning asosiy bosqichiga yo‘l oldi. Toshkent klubining guruhida shuningdek Eronning «Istiqlol» va Saudiya Arabistonining «Al-Ahli» jamoalari ham ishtirok etadi.
O‘yinlarning aniq sanasi va boshlanish vaqti hozircha e’lon qilinmagan. OFK yaqin vaqt ichida uchrashuv sanasi va stadionni tasdiqlashi kutilmoqda.
Ronaldu Toshkentga birgina marta 2009 yil 22 dekabrda kelgan. O‘shanda u Madridning «Real» klubi futbolchisi sifatida «Jar» stadionida yosh o‘zbekistonlik futbolchilar uchun mahorat darsi o‘tkazgan.
Agar «Al-Nasr» murabbiylar штаби safardagi o‘yinda yetakchiga dam berishga qaror qilmasa va futbolchining o‘zi jarohatdan qochib qolsa, u 17 yildan so‘ng yana Toshkentda maydonga tushishi mumkin.
