Ўзбекистонда Rollton ва Big Bon маҳсулотларини ишлаб чиқариш учун қурилиши режалаштирилган 200 миллион долларлик завод лойиҳаси расман бекор қилинди.
2022 йилда халқаро Mareven Food компанияси Ангренда йирик ишлаб чиқариш мажмуасини қуриш режасини эълон қилган эди. Лойиҳа доирасида тез тайёрланадиган лапша, кейинчалик эса картошка пюреси, соуслар, қуритилган сабзавотлар ва ичимликлар ишлаб чиқариш режалаштирилган.
Қурилиш 2023 йилда бошланиши, ишлаб чиқариш эса 2025 йилда йўлга қўйилиши кутилган. Бироқ лойиҳа аввал лойиҳалаш босқичида тўхтатилди, кейин эса бутунлай бекор қилинди.
Маълумотларга кўра, бунга молиявий ва ер билан боғлиқ муаммолар сабаб бўлган. Ҳозирда Mareven Food Pamir компанияси тугатилиш жараёнида.
Шундан сўнг компания ишлаб чиқариш қувватларини Қозоғистон ва Россияда кенгайтиришга қарор қилди. Шу билан бирга, келажакда Ўзбекистонда завод қуриш ғоясидан тўлиқ воз кечилмагани айтилмоқда.
