Qo‘rqinchli kadrlar: O‘zbekistonda chigirtkalarning ommaviy bosqini qayd etildi.
Buxoro viloyati aholisi chigirtkalarning yirik to‘dalari aks etgan video va suratlarni ijtimoiy tarmoqlarda ulashmoqda. Tasvirlarda hasharotlar ayrim hududlarni deyarli to‘liq qoplab olganini ko‘rish mumkin. Bu hali boshlanishimi?
Guvohlarning aytishicha, chigirtkalar viloyatning ayrim hududlarida allaqachon keng tarqalgan. Mahalliy aholi esa yaqin kunlarda ular mamlakatning boshqa hududlariga, jumladan Toshkentga ham yetib borishi mumkinligidan xavotir bildirmoqda.
E’tiborlisi, chigirtka qishloq xo‘jaligi uchun eng katta xavflardan biri hisoblanadi. Ularning ulkan to‘dalari qisqa vaqt ichida ekinlar va yo‘lidagi deyarli barcha o‘simliklarni nobud qilishi mumkin. Bunday holat jiddiy oqibatlarga olib kelishi ehtimoldan xoli emas.
