24-iyun oqshomida O‘zbekiston hududida 4 magnitudali zilzila sodir bo‘ldi. Yer silkinishlari mahalliy vaqt bilan soat 21:07:02 da qayd etilgan.
Epitsentr Farg‘ona viloyatining Quvasoy shahri hududida, 13 kilometr chuqurlikda joylashgan. Seysmologlar ma’lumotiga ko‘ra, epitsentr koordinatalari 40,31° shimoliy kenglik va 71,92° sharqiy uzunlikni tashkil etgan.
Eng kuchli yer silkinishlari Farg‘ona viloyatida sezilgan — 3–4 ballgacha. Andijon viloyatida esa zilzila kuchi taxminan 2 ballni tashkil qilgan.
Epitsentrdan Toshkentgacha bo‘lgan masofa janubi-sharqiy yo‘nalishda 251 kilometrni tashkil etadi.
Hozircha jabrlanganlar va vayronagarchiliklar haqida ma’lumot kelib tushmagan. Mutaxassislar zilzilaning oqibatlari bo‘yicha ma’lumotlarni aniqlashtirishda davom etmoqda.
