Korrupsiyaga qarshi agentlik davlat xizmatchilari uchun korrupsion jinoyatlarning oqibatlarini ko‘rsatish maqsadida noodatiy profilaktik chora — tergov hibsxonalari va jazoni ijro etish koloniyalariga ekskursiyalarni tashkil qildi.
Tashriflar davomida mansabdorlarga kameralar, saqlash sharoitlari hamda penitensiar muassasalarning boshqa bo‘limlari ko‘rsatiladi. Shuningdek, ular korrupsiya uchun sudlangan shaxslar bilan uchrashuvlarda ishtirok etadi. Mahkumlar pora va noqonuniy qarorlar ularni jinoyat ishlari, martaba yo‘qolishi, obro‘ va erkinlikdan ayrilishgacha olib kelganini aytib berishadi.
Bunday tashriflarning birinchi ishtirokchilari Qurilish va uy-joy kommunal xo‘jaligi vazirligi hamda Kadastr agentligi rahbarlari va mas’ul xodimlari bo‘ldi.
Korrupsiyaga qarshi agentlik bunday yondashuv an’anaviy ma’ruzalarga qaraganda samaraliroq deb hisoblaydi, chunki u mansabdorlarga korrupsiyaning real oqibatlarini bevosita ko‘rish imkonini beradi. Kelgusida bunday ekskursiyalar korrupsiya xavfi yuqori bo‘lgan boshqa idoralar xodimlari uchun ham o‘tkazilishi rejalashtirilgan.
