O‘zbekistonda 1-sinfga qabul 2026–2027 o‘quv yili uchun 20 iyunda boshlanadi. Mamlakat bo‘ylab jami 795 mingdan ortiq bolani qabul qilish rejalashtirilgan.
Qabul ikki bosqichda amalga oshiriladi. Birinchi bosqichda arizalar bolaning yashash joyi bo‘yicha mikrohududga biriktirilgan maktabga qabul qilinadi. Ikkinchi bosqichda esa bo‘sh o‘rinlar mavjud bo‘lgan maktablarga, shu jumladan boshqa mikrohududlardan ham arizalar qabul qilinadi.
1-sinfga 2019-yil 31-dekabrgacha tug‘ilgan bolalar qabul qilinadi. Ota-onalarga zarur hujjatlarni oldindan tayyorlash va ariza topshirish qoidalarini tanlangan maktab yoki tegishli elektron xizmatlar orqali aniqlashtirish tavsiya etiladi.
