Toshkentdan Issiqko‘l qirg‘og‘idagi Cholpon-Ota (Qirg‘iziston) shahriga mavsumiy avtobus yo‘nalishi yo‘lga qo‘yildi. Tashishlar 8 iyundan boshlanadi va “Toshkent” avtovokzali hamda kurort shahar Cholpon-Ota o‘rtasida amalga oshiriladi.
Reyslar zamonaviy Yutong avtobuslarida bajariladi. Toshkentdan jo‘nab ketish vaqti 15:00 ga belgilangan. Avtobuslar oyning juft kunlarida qatnaydi, qaytish reyslari esa Cholpon-Otadan toq kunlarda amalga oshiriladi.
Chiptalarni “Toshkent” avtovokzali kassalaridan, shuningdek rasmiy avtobus chiptalari sotish xizmatlari va tashuvchi kompaniya orqali xarid qilish mumkin. Yo‘lga chiqishdan oldin o‘rinlar mavjudligini oldindan aniqlashtirish tavsiya etiladi.
Chipta narxi 365 000 so‘mni tashkil etadi. Yangi yo‘nalish O‘zbekiston aholisi uchun mintaqaning eng mashhur yozgi dam olish maskanlaridan biriga to‘g‘ridan-to‘g‘ri, ortiqcha to‘xtashlarsiz yetib borish imkonini beradi.
Issiqko‘l yaqinligi, qulay logistika va boshqa xorijiy kurortlarga nisbatan arzonligi sababli an’anaviy ravishda yozgi dam olish uchun eng qulay yo‘nalishlardan biri hisoblanadi.
