Qatarlik himoyachi Buolam Xuxi Jahon chempionatida Shveysariya terma jamoasiga qarshi o‘yinda kiritgan hal qiluvchi golidan so‘ng katta pul mukofoti va hashamatli avtomobilga ega bo‘ldi.
Guruh bosqichidagi uchrashuv 1:1 hisobida yakunlandi. 17-daqiqada Breel Embolo penaltini aniq amalga oshirib, Shveysariyani oldinga olib chiqdi. Biroq Qatarliklar o‘yin oxirgi soniyalarida hisobni tenglashtirishga muvaffaq bo‘lishdi — 90+4-daqiqada Buolam Xuxi aniq zarbasi bilan jamoasiga Jahon chempionatlaridagi ilk tarixiy ochkoni taqdim etdi.
Ushbu gol uchrashuvning hal qiluvchi lahzasiga aylandi va futbolchiga katta mukofot olib keldi. OAV ma’lumotlariga ko‘ra, Buolam Xuxi 3 million AQSh dollari hamda qiymati taxminan 550 ming dollar bo‘lgan Rolls-Royce Phantom avtomobilini oladi.
Shveysariya va Qatar o‘rtasidagi o‘yin keskin va dramatik kechdi. Har ikki jamoa so‘nggi daqiqalargacha kurashdi, biroq aynan qo‘shimcha vaqtdagi gol Qatarga mag‘lubiyatdan qutulib qolish imkonini berdi.
48 ta terma jamoa ishtirok etayotgan Jahon chempionati 19-iyulga qadar davom etadi. Jamoalar 12 guruhga bo‘lingan bo‘lib, pley-off bosqichiga har bir guruhdan eng yaxshi ikki jamoa hamda uchinchi o‘rinni egallagan eng yaxshi sakkiz jamoa yo‘l oladi.
